10 نصائح ووصاية مهمة لمهندس مدني حديث التخرج | مهندس احمد الفار | الوصايا ال 10 لحديثى التخرج
قبل ما نبدا ✋- سؤال لو انت صاحب الشغل وعندك مكتب او شركة او خلافه هتشغل مهندس حديث التخرج ليه ؟
* لو عرفت الاجابة هتعرف انت ليه بتترفض كل شوية ومفيش فى لسانك غير البلد بايظة البلد فيها واسطة البلد فيها ... والواسطة كده كده مش هتخلص.
طيب ايه العمل ؟؟؟؟؟
1 - الصبر حلو والاستعانة بربنا مفتاح النجاح يعنى معلهش مش بشطارتك بس ولا شهاداتك اللى عمال تروح بيها يمين وشمال ولا بمشروع التخرج اللى كلنا جبنا فيه امتياز ولكن السعى والصبر والتوفيق دول اهم واول حاجة لازم نبدا بيهم ولازم يكونوا فى قناعاتك قولا وفعلا وعملا.
2 - لازم تبنى نفسك وتأسس نفسك كويس جدا وتحدد انت حابب تشتغل في ايه تصميم... تنفيذ... ادارة.... ولو معرفتش اسال ولما تسال هتعرف ولما تعرف جرب.
3 - لازم تحدد ايه المهارات اللازمة لكل حاجة من دى , وبناء عليها تشوف هتحصل المهارات دى ازاى سواء عن طريق كورس او تدريب وخلافة.
4 - الاهم ابحث ازاى تكون مميز والناس تجرى عليك مش انت اللى تلف على المكاتب والشركات وفى الاخر يقولولك هنتصل بيك أنت مهندس يعنى دماغك كبيرة ونفسك ووالدك ووالدتك ليهم حق عليك انك تكون كبير وغصب عن أى حد بس مش بالدراع ولكن بالعلم والأخلاق عشان تكون محبوب والناس كلها تدعيلك..
5 - لازم يكون عندك C.V محترم شكلا وموضوعا مش تكتبلى فى الميل توتو وميمى ولا تحطلى صورة ليك وانت واخد سيلفى على البحر ولكن حاجة محترمة وفورمال تبين شخصيتك ومهاراتك والحجات اللى عندك وبلاااااش التكلف وروح للشركات والمكاتب ولف ودور واتعب وسلم السى فى بايدك.
6 - فى البداية متبصش للفلوس كرقم واحد ولكن يكون همك الأول ((الخبرة والعلم )) اللى بعد كده هيجيبولك فلوس والله باذن الله ومتستعجلش.
6 - فى البداية متبصش للفلوس كرقم واحد ولكن يكون همك الأول ((الخبرة والعلم )) اللى بعد كده هيجيبولك فلوس والله باذن الله ومتستعجلش.
7 - كون علاقات كويسة تفيدك بعد كده لو انت مدنى ممكن حد من عمارة يجيبلك شغل والعكس ..علاقات مع حد من الاقارب ممكن يشغلك معاه ...علاقات مع حد من المعارف وانت كويس ممكن يرشدك ويفتحلك الدنيا العلاقات مهمة.
8 - حب الخير للغير يعنى لو فيه شغلانة او فيه اعلان عرف صاحبك ممكن ربنا يكرمكم انتم الاتنين وممكن بسببها ربنا يفتحلك ابواب كتير اوعى عمرك تقول ان كده هياخد نصيبى او وظيفتى او ....... ...بلاش مقاييسنا الدنيوية فيه امور كتيرة ربنا بيكرم بسببها وممكن تكون دى حاجة منهم.
9 - اسال واستشير دايما الناس اللى اكبر منك وهتعمل ايه ولو عملت كذا صح ولا لا .... لانك ممكن تاخد قرار ويضيع منك وقت وتعب عالفاضى كان ممكن لو استشرت حد يدلك فيوفر عليك كتير.
10 - التطوووووووير دايما خليك مع السوق اتعلم ونمى نفسك فى الحجات اللى تنقصك ومجالك حاول دايما تكون مساير لكل حاجة جديدة واعمل اكونت على لنكدان LinkedIn .
8 - حب الخير للغير يعنى لو فيه شغلانة او فيه اعلان عرف صاحبك ممكن ربنا يكرمكم انتم الاتنين وممكن بسببها ربنا يفتحلك ابواب كتير اوعى عمرك تقول ان كده هياخد نصيبى او وظيفتى او ....... ...بلاش مقاييسنا الدنيوية فيه امور كتيرة ربنا بيكرم بسببها وممكن تكون دى حاجة منهم.
9 - اسال واستشير دايما الناس اللى اكبر منك وهتعمل ايه ولو عملت كذا صح ولا لا .... لانك ممكن تاخد قرار ويضيع منك وقت وتعب عالفاضى كان ممكن لو استشرت حد يدلك فيوفر عليك كتير.
10 - التطوووووووير دايما خليك مع السوق اتعلم ونمى نفسك فى الحجات اللى تنقصك ومجالك حاول دايما تكون مساير لكل حاجة جديدة واعمل اكونت على لنكدان LinkedIn .
الكلام كتير ولكن حبيت الخصهم فى نقاط عشر واختم كلامى بحاجة وهى الاهم ((السعى ))
قال تعالى (وَأَن لَّيْسَ لِلْإِنسَانِ إِلَّا مَا سَعَىٰ)
وربنا يوفقكم ❤️
#احمد_الفار
#حديث_التخرج